தொடர்ந்து 4 1/2 ஆண்டு காலமாக ஒரு உறுதியான இறுதி முடிவு எட்டப் படாமல் இழுபறியாக இருந்து வந்த ஐரோப்பிய யூனியனில் இருந்து பிரிட்டன் விலகுவது தொடர்பான பிரெக்ஸிட் எனப்படும் ஒப்பந்தம் தற்போது இறுதி செய்யப் பட்டுள்ளதாக பிரிட்டன் பிரதமர் போரிஸ் ஜோன்சன் அதிகாரப்பூர்வமாக அறிவித்துள்ளார்.
பிரெக்ஸிட் ஒப்பந்தம் நிறைவுற்றது என பிரதமர் போரிஸ் ஜோன்சன் டுவீட் செய்துள்ள நிலையில், ஜனவரி 1 ஆம் திகதி பிரெக்ஸிட் மாற்றக் காலம் முடிவடைய உள்ளதும் குறிப்பிடத்தக்கது. இதைத் தொடர்ந்து சாத்தியமான வர்த்தக ஒப்பந்தத்துடன் இங்கிலாந்தும், ஐரோப்பிய யூனியனும் சுமுகமாகப் பிரிய முடியும் எனவும் எதிர்பார்ப்பு அதிகமாகவுள்ளது.
இவ்வேளையில், பிரிட்டனின் அபிலாஷைகளுக்கு ஐரோப்பிய யூனியனுடனான கூட்டுறவு எந்தளவு சிக்கலாக இருந்தது என்பது குறித்து நன்கு அறிந்து கொள்ள பிரதமர் போரிஸ் ஜோன்சனுக்கு அவகாசம் கிட்டியிருந்தது. இவ்வருடம் மார்ச் மாதம் கோவிட்-19 பெரும் தொற்றுக்கு உள்ளாகியிருந்த போரிஸ் ஜோன்சன் பின்பு அவசர சிகிச்சைப் பிரிவு வரை சென்று மீண்டு வந்திருந்தார் என்பதும் குறிப்பிடத்தக்கது.
Post a Comment
0 Comments