தயாரிப்பாளர்கள் சங்கம் எச்சரிக்கை: நடைபெற்ற இந்த கூட்டத்தில், விநியோகஸ்தர்கள், திரையரங்க உரிமையாளர்கள் சங்கத்தினர், தயாரிப்பாளர்கள் சங்க செயலாளர்கள் எஸ்.கதிரேசன், ஆர்.ராதாகிருஷ்ணன், துணைத் தலைவர் கமலக் கண்ணன், இணைச்செயலாளர் சுஜாதா விஜயக்குமார், பொருளாளர் சுபாஷ் சந்திர போஸ், முன்னாள் தலைவர் கேயார், நடப்பு தயாரிப்பாளர்கள் சங்கத் தலைவர் ஜி.கே.எம்.தமிழ்குமரன், செயலாளர் டி.சிவா, பொருளாளர் தனஞ்செயன், தயாரிப்பாளர்கள் ஆர்.பி.சவுத்ரி, ஐசரி கணேஷ் உள்பட பலர் கலந்துகொண்டனர்.
இதைத்தொடர்ந்து இசைவெளியீட்டு விழாவில் கலந்து கொண்ட தமிழ்குமரன், காலையில் தயாரிப்பாளர் சங்கத்தின் ஆலோசனைக்கூட்டம் நடைபெற்றது. அதில், பல ஜாம்பவான்கள் கலந்து கொண்டார்கள். தமிழ் சினிமா எதை நோக்கி செல்ல வேண்டும் என வழிகாட்டுதல் நெறிமுறைகள் எல்லாம் அமைத்து இருக்கிறோம். அதே போல, சின்ன பட்ஜெட் படங்களுக்கு முன்னுரிமை அளிப்பது குறித்து தியேட்டர் உரிமையாளர்களிடம் பேசி இருக்கிறோம். இதனால், அடுத்த மூன்று ஆண்டில் நிச்சயமாக தமிழ் சினிமாவிற்கு நல்லது நடக்கும் என்றார்.
தமிழ்த் திரைப்படத் தயாரிப்பாளர்கள் சங்கத் தலைவர் ஜி.கே.எம்.தமிழ்குமரன் தலைமையில், தயாரிப்பாளர்கள், விநியோகஸ்தர்கள், திரையரங்க உரிமையாளர்கள் சங்கத்தினர் இணைந்த கலந்தாய்வு கூட்டம் சென்னையில் நடைபெற்றது. அதிரடியான பல முக்கிய முடிவுகளை தயாரிப்பாளர்கள் சங்கம் எடுத்துள்ளது.
தயாரிப்பாளர் சங்க கூட்டம்: கடந்த டிசம்பர் மாதம் நடந்த தயாரிப்பாளர்கள் சங்கத் தேர்தலில் ஜி.கே.எம்.தமிழ்குமரன் அதிக வாக்குகளை பெற்று வெற்றி பெற்றார். இதையடுத்து தயாரிப்பாளர் சங்கத்தின் கலந்தாய்வு கூட்டம் நேற்று நடைபெற்றது. இதில், நடிகர், நடிகையர், இயக்குநர், முன்னணி தொழில்நுட்ப கலைஞர்கள் என யாராக இருந்தாலும், யார் முதலில் தயாரிப்பாளரிடம் அட்வான்ஸ் வாங்குகிறார்களோ அவருக்கு முன்னுரிமை கொடுத்து படத்தை முடித்துத் தர வேண்டும். படங்களில் நடிக்கும் முன்னணி நடிகர், நடிகையர், இயக்குநர், தொழில்நுட்ப கலைஞர்கள், வெப் தொடர்களில் நடிக்கவோ, இயக்கவோ கூடாது, அவ்வாறு செல்லும் நடிகர், நடிகையர், முன்னணி தொழில்நுட்ப கலைஞர்கள் திரைப்படங்களில் பணிபுரிய கூட்டுக்குழு எடுக்கும் முடிவுக்கு கட்டுப்பட வேண்டும் என தீர்மானம் நிறைவேற்றப்பட்டுள்ளது.
Producers Council.TN
