சுயேட்சையாக போட்டியிட வேட்புமனு தாக்கல் செய்த பின்னணி பாடகர்!
Sooriyan TVFriday, February 04, 2022
தமிழ் சினிமாவில் 300க்கும் மேற்பட்ட பாடல்களை பாடியுள்ளவர் கானா பாலா. இவர் சென்னை மாநகராட்சி தேர்தலில் சுயேட்சையாக போட்டியிட வேட்புமனுத் தாக்கல் செய்துள்ளார்.
கடந்த 2006, 2011ல் நடைபெற்ற தேர்தல்களில் அதே பகுதியில் போட்டியிட்டு 2வதாக வந்துள்ளார்.
கானா பாலா
திரைத்துறையில் கானா பாடல்களுக்கு என்று தனியாக ரசிகர்கள் கூட்டம் காணப்படுகிறது. பல கானா பாடகர்கள் தமிழ் சினிமாவில் சிறப்பான பல பாடல்களை கொடுத்து வருகின்றனர். அந்த வகையில் கானா பாலா 300க்கும் மேற்பட்ட பாடல்களை தமிழ் சினிமாவில் பாடியுள்ளார். தொடர்ந்து பாடி வருகிறார்.
சென்னை மாநகராட்சி தேர்தலில் போட்டி
சென்னை புளியந்தோப்பு கன்னிகாபுரத்தை சேர்ந்த இவர் தற்போது சென்னை மாநகராட்சி தேர்தலில் சுயேட்சையாக போட்டியிட வேட்புமனுத் தாக்கல் செய்துள்ளார். திருவிக நகர் 65து மண்டலம் 72வது வார்டில் போட்டியிட இவர் வேட்புமனுத் தாக்கல் செய்துள்ளார்.
3வது முறையாக போட்டி
இவரது சகோதரர் கபிலன் பாஜகவில் உள்ளார். கடந்த 2006 மற்றும் 2011 தேர்தல்களிலும் அதே வார்டில் போட்டியிட்ட கானா பாலா, இரண்டாவது இடத்தை பிடித்துள்ளார். இந்நிலையில் தற்போது அதே வார்டில் 3வது முறையாக தற்போது விருப்பமனுத் தாக்கல் செய்துள்ளார் கானா பாலா.
பிறந்த இடத்திற்கு நன்மை
கடந்த 19 ஆண்டுகளாக கவுன்சிலராக வெற்றிப் பெற வேண்டும் என்ற நோக்கத்தோடு உள்ளாட்சித் தேர்தலில் போட்டியிட்டு வருவதாகவும் தான் பிறந்து வளர்ந்த ஊருக்கு அந்த மக்களுக்கு தன்னால் முடிந்த உதவிகளை செய்யவே தேர்தலில் போட்டியிடுவதாகவும் அவர் கூறியுள்ளார்.
கண்டிப்பாக வெற்றி
அந்தப் பகுதி மக்களுக்கு தான் நன்கு அறிமுகமானவன் என்பதால் இந்த முறை கண்டிப்பாக வெற்றி பெறுவேன் என்றும் அவர் நம்பிக்கை தெரிவித்துள்ளார். ஏற்கனவே அந்த பகுதியில் போட்டியிட்டு 4 ஆயிரம் வாக்குகளுக்கு மேல் பெற்றுள்ளார் கானா பாலா.
வெற்றி கிடைக்குமா?
தமிழ் சினிமாவில் கானா பாலா பாடியுள்ள பல பாடல்கள் ஹிட்டாகியுள்ளது. இந்நிலையில் இவர் தேர்தலிலும் தற்போது போட்டியிட விருப்பமனு தாக்கல் செய்துள்ளார். பாடல்கள் மூலம் ரசிகர்களை கவர்ந்துள்ள இவர், தேர்தலில் வெற்றி பெறுவாரா என்பதை பொறுத்திருந்துதான் பார்க்க வேண்டும்.
நமது சூரியன் தொலைகாட்சியின் வெற்றிக்கு உங்கள் பேராதரவுக்கும் & ஒத்துழைப்புக்கும் நல்கிவரும் அனைவருக்கும் எமது நெஞ்சார்ந்த நன்றிகளை இந்நேரத்தில் தெரிவித்துக்கொள்கின்றோம். நன்றி🙏 #Sooriyantv #சூரியன்தொலைகாட்சி #சூரியன்டிவி ☀️🎂🎉🎊📺🖥📡 #5thanniversary #5ஆம்ஆண்டில்
Last updated: Oct-2024
(பொறுப்புத் துறப்பு: இங்கே பிரசுரிக்கும் செய்திகள்,கட்டுரைகள், காணொளிகள் மற்றும் கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. செய்திகள், தகவல் குறிப்புகள் மற்றும் கட்டுரைகள் தொடர்பான தகவலை உறுதிப்படுத்தவில்லை. அதை வெறும் தகவலாக மட்டும் எடுத்துக் கொள்ள வேண்டும். மேலும் எங்கள் ஒரே நோக்கம் தகவலை வழங்குவது மட்டுமே. செய்திகளின் உண்மை தன்மையும் தாங்களே கண்டறிந்துகொள்ளுங்கள். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)
இவ் இணைய பக்கத்தில் ஏதேனும் பதிவுகள் நீக்க பட வேண்டுமாயின் எமது மின்னஞ்சல் (info@sooriyantv.ca) முகவரிக்கு அனுப்பிவைக்கவும்.
Social Plugin
Social Plugin